不解

點解次麻煩事係都要係我病到一仆一碌時先發生，
我老母又無啦啦發顛~又冇人刺激佢都唔知發乜顛。
佢一返到屋企就係咁嘈，全家冇人出過聲，係佢自已係度發顛撩交嗌。
咁搞法我到底要病幾多日先可以好得返呀 =.=

成日係度話咩我老豆個老母d野，又話咩有咁既老母咁既仔。
你話人地前檢討下自已先啦，你自已好得幾多呀？
你咁樣日嘈夜嘈，影響仔女影響得最深遠個個其實係你自已呀!!
有口話人冇口話自已。
唔該你好好檢討下自已d行為先啦，你知唔知我成日覺得有你咁既老母好羞恥架!!
話人地呢樣個樣，又話人地冇錢冇學識，話人地係垃圾、低級，
你自已又好很高級咩？自已咪就成日做埋晒d樣衰野？有乜資格話人呀？
又話我老豆乜乜物物，你自已又有冇盡過做老母既責任呀？
之前幾年丟低我一個，我都冇記係個心度啦。
然後又無啦啦走埋佬，留底我同阿妹同老豆，唔知去左邊，又點計呀？
個陣時我仲要做埋人地老母做既野，我又洗唔洗記得係個心度同你計呀？
唔通我又要學你咁拎晒出來講啦喎？
好彩我天生樂觀姐，若果我係睇唔開我死左好耐啦。

拿，做人老母做到你咁我覺得好失敗架！
我受既精神上騷擾其實已經足夠去申請禁制令。
不過我份人係怕麻煩事，唔好逼得我太盡。
呢一點我同老豆都係一樣。
平時都好似笑騎騎林之之咁，一旦真係激嬲我係冇面比。